ڈونلڈ ٹرمپ کے پاکستان مخالف ٹویٹ پر سیاسی رہنماؤں کا ردعمل

1 50

امریکی صدر ڈونلڈ ٹرمپ کی جانب سے سال 2018 کے پہلے روز ہی پاکستان مخالف بیان جاری کیا گیا جس میں انہوں نے کہا کہ ہم نے 15 سالوں میں پاکستان کو 33 ارب ڈالر امداد دے کر حماقت کی۔
امریکی صدر کے اس بیان پر پاکستان کے سیاسی رہنماؤں نے شدید ردعمل کا اظہار کیا ہے۔

ہماری سالمیت کو للکارا گیا تو دشمنوں کو نیست و نابود کر دیں گے، شیخ رشید


پاکستان نے امریکا کا ساتھ دیکر غلطی کی، اسد عمر

پاکستان تحریک انصف کے رہنما اسد عمر نے کہا کہ امریکا اپنی ناکامیوں کا ملبہ پاکستان پر ڈالنا چھوڑے، اب پوری قوم متفق ہے کہ ’نو مور‘۔


بھارت کا بیانیہ امریکا میں رچ بس گیا ہے : شیری رحمان

امریکا میں پاکستان کی سابق سفیر اور سینیٹر شیری رحمان نے امریکی صدر کے بیان پر ردعمل دیتے ہوئے کہا کہ بھارت کا بیانیہ امریکا میں رچ بس گیا ہے اور ایسے بیانات سے ساتھ مل کر چلنا مشکل ہو جاتا ہے۔

قومی سلامتی کے لیے تمام سیاسی جماعتیں متحد ہوجائیں، وزیر اطلاعات

وفاقی وزیر اطلاعات و نشریات مریم اورنگزیب نے کہا ہے کہ امریکا، افغانستان میں اپنی شکست کا ملبہ پاکستان پر نہیں ڈال سکتا۔

ریڈیو پاکستان کو انٹرویو دیتے ہوئے انہوں نے کہا کہ دہشت گردی کے خلاف جنگ میں پاکستان کی قربانیاں بے مثال ہیں اور تمام سیاسی جماعتوں کو قومی سلامتی کے معاملے پر یکجا ہوجانا چاہیے۔

امریکا دہشت گردی کو شکست دینےمیں سنجیدہ نہیں، بلاول

پاکستان پیپلز پارٹی کے چیئرمین بلاول بھٹو نے بھی امریکی صدر پر ردعمل کا اظہار کرتے ہوئے کہا کہ امریکا دہشت گردی کو شکست دینےمیں سنجیدہ نہیں ہے۔


انہوں نے اپنی ٹوئٹ میں امریکی صدر کو مینشن کرتے ہوئے لکھا کہ برائے مہربانی کوئی امریکی صدر کو بتا ئے کہ اتحادی سپورٹ فنڈ ، کام کی مد میں ادائیگی اور انسانی بنیادوں پر دی گئی امریکی امداد کے درمیان کیا فرق ہوتا ہے۔

ٹرمپ کا الزام نامناسب اور بے وقعت، شاہ محمود قریشی

پاکستان تحریک انصاف (پی ٹی آئی) کے رہنما شاہ محمد قریشی نے ڈان نیوز سے گفتگو کرتے ہوئے کہا کہ ’پاکستان نے اپنے مفاد کی خاطر آگے بڑھنا ہے، چاہے امریکی امداد ملے یا نہ ملے‘۔

ٹرمپ کے الزام کو نامناسب اور بے وقعت قرار دیتے ہوئے ان کا کہنا تھا کہ ’اس خطے میں اور بھی قوتیں ہیں جو سمجھتی ہیں معاشی اور سلامتی استحکام کے لیے امن و استحکام ضروری ہے جس کے لیے چین، روس، ایران اور ترکی اپنا کردار ادا کر رہے ہیں اور یورپی قوتیں بھی ہماری قربانیوں کو سمجھتی ہیں‘۔

شاہد محمود قریشی نے کہا کہ ’آج پاکستان میں اتفاق رائے قائم ہوچکا ہے اور اس کو لے کر آگے بڑھنا ہے اور امریکی امداد کی جانب نظر نہیں رکھنی، کیونکہ کل امریکا ہم سے لاتعلق ہوجائے تو کیا ہم اپنے مفادات کا سودا کریں گے؟‘

اپنی زمین کی حفاظت کرنے کی صلاحیت رکھتے ہیں، وزیر دفاع

وزیر دفاع خرم دستگیر خان نے کہا کہ پاکستان اپنی سرزمین کی حفاظت کرنے کی پوری صلاحیت رکھتا ہے۔
ٹرمپ کے ٹوئٹ پر انہوں نے ردعمل دیا کہ پاکستان نے دہشت گردی کے خلاف جنگ کے ساتھ افغانستان میں موجود القاعدہ کو شکست دینے کے لیے امریکا کی بہت زیادہ مدد کی اور پاکستان میں دہشت گردوں کی کوئی پناہ گاہیں موجود نہیں۔

ڈونلڈ ٹرمپ اور امریکا دونوں بے شرم : شییریں مزاری

پاکستان تحریک انصاف کی رہنما شیریں مزاری نے اپنے رد عمل میں ڈونلڈ ٹرمپ اور امریکا دونوں کو بے شرم قرار دیا۔

امریکی صدر کے ٹوئٹ نے پاکستانی عوام کو رسوا کیا:ڈاکٹر عارف علوی

پاکستان تحریک انصاف کے ایک اور رہنما ڈاکٹر عارف علوی نے بھی ٹرمپ پر تنقید کے لیے سماجی رابطوں کی ویب سائٹ ٹوئٹر کا سہارا لیا۔

loading...
یہ بھی ضرور پڑھیں